Kan dawr ni ve ta se A DAWR RAWK TUTE TANPUI A DUH

(RVT - 28th July)

Social Media hman dik loh hian buaina tam tak a chawk chhuak thei tih kan hria. He pa hman dan hi chu a danglam tlat a ni.

Damian Penner hi Rocco's Pizzeria neitu a ni a, Steinbath, Manitoba, Canada a awm an ni. Sunday zan khan an dawr ah nu pakhat leh a fate 4 chu lutin nu ber hian Cashier a biak buai laiin a fate hian Pizza an lo la ru char char a, Cashier a buai lai chuan nu ber pawh chuan Pizza chu a bag ah a khung mawlh mawlh bawk a.

Heng zawng zawng hi CCTV ah chiang takin a lang a ni. Penner chuan Police ah a Report lo mai a ni lo, an thlalak Social Media a tarlan aiin hetiang hian Post a siam ta a, mi 300 chuangin an Share tawh a ni. A sei deuh a, kaitawi deuh ila.

"Nu pakhat kan dawra Pizza ru tu kha,

Eng dinhmun harsa ah nge i din ka hre lo, i fate riltam inhnangfak nan i ti pawh a ni thei e. Mahse i fate kha naupang rilru thianghlim hma hun thui tak nei an la ni a, khatiang tura thanlen tir kha thil tha lo tak a ni a, ka lainat takzet a ni.

Khawngaih takin harsatna i nei a nih chuan lo kal leh hram la, i harsatna te chu i sawi dun ang, Kohhran leh Charity thenkhat thawhpui ka nei nual a, kan tanpui thei em em ang che. I thlalak Social Media a tih darh leh police hnena thlen hian i zahna bak a thlen dawn lo tih ka hria a, ka ti dawn hek lo a ni. Ka sawmna che hi khawngaihin min ngaih pawimawh sak dawn nia, tuman an hre dawn lo a ni" tiin.

(A rilru hi a va țha tak em!!)

Pic : Rocco's Pizza

Source-Sena Ralte