ကျိကျိတက်ချမ်းသာနေတဲ့ ဘဏ်တွေက ဘာလို့များ ဒီဝန်ဆောင်မှုလေးကို ဒီနေ့ထိ မပေးနိုင်ကြသေးတာလဲ

ဒီနေ့ ပုဂ္ဂလိကဘဏ်တစ်ခု ရောက်တော့

ငွေလွှဲဖို့စောင့်နေရင်း  ကိုယ့်ရှေ့ကလူတွေနဲ့ ဘဏ်ဝန်ထမ်းမိန်းကလေးတွေ ပြုမူပြောဆိုပုံတွေကို လေ့လာနေမိတယ်။

“ဒီမှာ။ ဦးလေးရဲ့ ပိုက်ဆံ ၂ရွက် ပေနေတယ်။ ပြန်လဲပေးပါ။“

ကိုယ့်ရှေ့က အသက် (၅၀)ကျော်အမျိုးသားတစ်ဦးကို ပြောနေတာပါ။

သူ့ငွေစက္ကူအုပ်ထဲက စွန်းပေနေတဲ့ (၁)ထောင်တန် ၂ရွက်ကို ပြန်လဲခိုင်းနေတာပါ။

ပြည့်စုံတဲ့ပုံပေါက်တဲ့ အဲဒီ ခပ်၀၀ အမျိုးသားက 

ဘာမှ မပြောပဲ အသာတကြည် လဲပေးလိုက်ပါတယ်။

နောက်တစ်ယောက်ကတော့ ...

အသက် (၇၀)ခန့် တုန်တုန်ချိချိ အမေအိုကြီးတစ်ယောက်။ ချို့တဲ့ရှာပုံပါ။

လွှဲဖို့ငွေက (၅)သောင်း။ 

ခဏအကြာ......ဇာတ်လမ်းစပါပြီ။

“ အမေကြီး.......အမေကြီးငွေထဲက ၅ထောင်တန်တစ်ရွက် ပေနေတယ်။ ပြန်လဲပေးပါ“

အမေကြီးခမျာ ...အလွန် တုန်လှုပ်သွားရှာပါတယ်။

“ အမေ့....အမေ့မှာ.....အပို...မ....မပါပါဘူး....သမီးရယ်.....

လက်ခံပေးလို့ ....လို့......မရဘူးလားဟင်.....“ လို့ ပြောပေမယ့်

“ မရလို့ပါအမေကြီး။ အားနာပါတယ်။ ပြန်လဲပေးမှ ရပါလိမ့်မယ်“

၂ခါ ထပ်ပြောလည်း အဖြေက ဒီတိုင်းပါပဲ။

အမေကြီးခမျာ အရမ်းကို မျက်နှာပျက်နေရှာပါပြီ။

အဖော်လည်း တစ်ယောက်မှ မပါ။ မျက်နှာငယ်လေးနဲ့ အတော်သနားစရာကောင်းပါတယ်။

တစ်ခုတွေးမိတယ်ဗျာ။ 

ဘဏ်တွေဆိုတာ Customer တွေကို ၀န်ဆောင်မှုပေးရတဲ့လုပ်ငန်းပါ။

ရှေ့က အမျိုးသားရော၊ အမေကြီးပါ သူတို့ပိုက်ဆံတွေက နည်းနည်းစွန်းပေနေပေမယ့် အတုမှမဟုတ်တာ။

ငွေစက္ကူမှာပါတဲ့ နံပါတ်တွေကလည်း ထင်ထင်ရှားရှားပါ။

နိုင်ငံတော်ဗဟိုဘဏ်က ငွေစက္ကူ အစုတ်အပြဲ၊ အဟောင်းအပေတွေကို လဲလှယ်ပေးတဲ့ ၀န်ဆောင်မှု ရှိမယ်ထင်ပါတယ်။

အဲဒီဝန်ဆောင်မှုကို ပုဂ္ဂလိကဘဏ်တွေက ချိတ်ဆက်ပြီး ကူညီဝန်ဆောင်မှုပေးလို့ မရဘူးလားလို့ပါ။

အဲဒါဆို Customer တွေ အတော်အဆင်ပြေမှာပါ။

ပထမ အမျိုးသားက ပေနေတဲ့ ငွေစက္ကူ ၂ရွက်ကို အရောင်းအ၀ယ် ငွေချေတဲ့နေရာမှာ

ရာအုပ်စည်းထဲ ထည့်သုံးလိုက်ရင် ရတယ်လေ။ အရောင်းအ၀ယ်လောကမှာ ဒါကိုဘယ်သူမှ ချေးမများကြပါဘူး။

ဒါပေမယ့် အမေကြီးကျတော့ ခက်ရှာပြီ။ သူ့မှာ ဒီ (၅)ထောင်တန် အစွန်းအပေကို ပြန်သုံးဖို့ နေရာ အတော်ကြိုးစားရှာဖွေရတော့မယ်။

ဘဏ်ဖက်က ကိုယ်ချင်းစာစိတ်နဲ့ ခွင့်လွှတ်ပေးလိုက်သင့်ပါတယ်။

ကျွန်တော်လည်း ကြားထဲက မနေနိုင်တော့တာနဲ့

“ အမေကြီးရဲ့ ပိုက်ဆံ ၅ထောင်တန်ကို  ကျွန်တော့် ၅ထောင်တန် အကောင်းနဲ့ လဲပေးမယ်။ ဘာမှ စိတ်မပူနဲ့.....“ ဆိုပြီး လဲပေးလိုက်ပါတယ်။ 

အဲဒီအချိန် အမေကြီးရဲ့ မျက်နှာ ညှိုးငယ်နေရာကနေ ၀င်းပသွားလိုက်တာ 

မင်္ဂလာရှိလိုက်တာဗျာ။

စိတ်ထဲမှာ အင်မတန်ကြည်နူးမိပါတယ်။

ကျွန်တော်လည်း အဲဒီ ၅ထောင်တန်ကို အရောင်းအ၀ယ်ထဲမှာ ထည့်သုံးလိုက်လို့ရတယ်လေ။ ဘာမှ အပန်းမကြီးပါဘူး။

ကျွန်တော်တို့လို အညတရတစ်ယောက်တောင် ဒီလိုလေး ဖြေရှင်းပေးနိုင်တာ

ကျိကျိတက်ချမ်းသာနေတဲ့ ဘဏ်တွေက ဘာလို့များ ဒီဝန်ဆောင်မှုလေးကို

ဒီနေ့ထိ မပေးနိုင်ကြသေးတာလဲလို့ တွေးမိတယ်။

ဘာပဲဖြစ်ဖြစ် အခက်အခဲတွေ့နေသူကို ကူညီနိုင်ခဲ့လို့ ၀မ်းသာမိပါတယ်။

Myanmar Post

Source: Kyaw Hlaing Win